Мамлекеттик баалуу кагаздарга инвестициялар
Мамлекеттик Казыналык Векселдер (МКВ)
Мамлекеттик казына векселдери (МКВ) - кыска мөөнөттүү, пайызсыз (дисконттук) мамлекеттик баалуу кагаз, жүгүртүү мөөнөтү 3, 6 жана 12 ай, документсиз формада чыгарылат. 1 МКВнын номиналдык наркы – 100 сом.
Өткөрүлгөн аукциондордун жыйынтыгы боюнча МКВ дисконт менен номиналдык наркынан төмөн баада чыгарылат, төлөө номиналдык наркы боюнча жүргүзүлөт. Акыркы аукциондордун жыйынтыктары бул жерде жеткиликтүү.
Мамлекеттик казына облигациялары (МКО) — бул бир жылдан ашык мөөнөткө чыгарылган, жылдык пайыздык кирешеси (купон) бар, узак мөөнөттүү мамлекеттик баалуу кагаздар. Облигациялар документсиз формада чыгарылат. Бир МКОнун номиналдык наркы — 100 сом. Купондук төлөмдөр жылына эки жолу жүргүзүлөт. Акыркы аукциондордун жыйынтыктары бул жерден жеткиликтүү.
Кыргыз Республикасынын Улуттук Банкынын ноталары
КРУБ ноталары — бул Улуттук банк тарабынан чыгарылган кыска мөөнөттүү баалуу кагаздар, алар накталай акча жүгүртүүнү жөнгө салууга багытталган акча-кредит саясатынын куралы катары колдонулат. Бир нотанын номиналдык наркы 10 000 сомду түзөт. Ноталар 7 күндөн 364 күнгө чейинки мөөнөткө чыгарылат жана дисконт менен жайгаштырылат, ал эми номиналдык наркы боюнча төлөнөт. Акыркы аукциондордун жыйынтыктары бул жерде жеткиликтүү.
МКВнын өзгөчөлүктөрү
- МКВ – Кыргыз Республикасынын Өкмөтү тарабынан кепилденген жана өлкөдөгү эң төмөнкү тобокелдикке ээ болгон баалуу кагаздар болуп эсептелет
- МКВ – Кыргызстандын баалуу кагаздар рыногунда негизги жана эң ликвиддүү финансылык инструменти болуп, өлкөнүн көпчүлүк финансылык институттары тарабынан жогорку деңгээлдеги ишенимге ээ
- Экинчи рыноктун болушу сизге керектүү мөөнөттөгү МКВны сатып алууга, ошондой эле каражат керек болгон учурда каалаган убакта сатууга мүмкүнчүлүк берет.
- МКВнын жайгаштырылуусу (сатылышы) Кыргыз Республикасынын Улуттук банкы тарабынан уюштурулган аукцион аркылуу жүргүзүлөт. Аукцион ар жума күнү өткөрүлөт*
- Эмиссия (жайгаштыруу процесси) ар дүйшөмбү күнү ишке ашырылат. Алдын ала маалыматтар КРУБнын расмий сайтында жарыяланат**
- МКВ боюнча бардык милдеттенмелер Кыргыз Республикасынын Финансы министрлиги тарабынан өз убагында жана толук көлөмдө аткарылат
*Эгерде жума же дүйшөмбү эс алуу күнү деп жарыяланса, тиешелүү күн өзгөртүлөт.
- МКВ 3, 6 жана 12 айлык мөөнөткө чыгарылат жана документсиз (электрондук) формада сатылат.
- МКВ дисконт менен жайгаштырылат — башкача айтканда, ал номиналдык баадан төмөн баада сатып алынып, толугу менен номиналдык нарк менен кайтарылат.
- Бир МКВнын номиналдык баасы – 100 (жүз) сом.
- Сиздин кирешеңиз — сатып алуу жана кайтаруу баасынын айырмасынан түзүлөт.
КРУБнын Ноталарынын өзгөчөлүктөрү
- Эмитент (чыгаруучу орган) – Кыргыз Республикасынын Улуттук банкы (КРУБ)
- Бир Нотанын номиналдык баасы – 10 000 сом
- Мөөнөтүнө жараша Улуттук банктын Ноталары 7, 14 жана 28 күндүк болуп чыгарылат
- Ноталардын жайгаштырылуусу (сатылышы) КРУБ тарабынан өткөрүлгөн аукцион аркылуу жүзөгө ашат. Аукциондор, негизинен, ар шейшемби күнү өткөрүлөт (7, 14 жана 28 күндүк Ноталар боюнча)
- Улуттук банктын Ноталары 1998-жылдан бери чыгарылып келет
- Ноталар боюнча бардык милдеттенмелер Улуттук банк тарабынан өз убагында жана толук көлөмдө аткарылат
- Ноталардын чыгарылышы (7, 14 жана 28 күндүк) — шаршемби күнү
- Жайгаштыруу КР Улуттук банкы өткөргөн аукциондор аркылуу жүзөгө ашырылат. Аукцион ар шейшемби күндөрү өткөрүлөт*
*Эгерде шейшемби же шаршемби эс алуу күнү деп жарыяланса, аукцион жана эмиссия башка күнгө жылдырылышы мүмкүн
МКВны/МКОну/КРУБ Ноталарын алуу үчүн төмөнкүлөр талап кылынат
Келишим түзүү
Банк менен агенттик келишимин түзүү
Өтүнмө кагазын толтуруу
МКВ/МКО/КРУБнын Ноталарын сатып алуу/сатуу боюнча арызды толтуруңуз
Өтүнмө берүү менен кардар бул келишимди аткаруу үчүн зарыл болгон акча каражаттарынын / баалуу кагаздардын жетиштүү экендигин тастыктайт